خل الناس يسوون اللي يبونه باختيارهم لان هالشي مهم وراح يخليهم ( يظهرون لك حقيقتهم وحقيقة مشاعرهم ) بعدين قرر اذا كنت تبيهم بحياتك او لا
اقتنع بهالفكرة فيه اشخاص وجودهم في حياتك المفروض انه ( مؤقت ) عشان يساعدونك تعرف نفسك وتفهم الحياة ويزيد وعيك ونضجك وبعدين يطلعو من حياتك ويجو غيرهم
يعني خروج احد من حياتك ( طبيعي تمامًا ) لان هالشي معناه ان احد جديد غيره جاي قريب عشان يعطيك درس جديد او يساعدك بمرحلة جديدة من حياتك ، وهكذا
لا تتمسك بأحد ،، لا تستنزف طاقتك وتفكيرك ومشاعرك على الناس ايش يسوون الناس وايش يحسون الناس وايش يقولون الناس ! لان كل هذا ( خارج عن سيطرتك ومستحيل تقدر تتحكم فيه )
بالاخير راح تتعب ع الفاضي وكل واحد من الناس راح يسوي اللي يبيه وماعليه منك وراح تحس بالخذلان رغم انه في الحقيقة انت اللي خذلت نفسك يوم ضيعت وقتك وانت تفكر فيهم
خليهم لا تمنعهم طبق هالقاعدة في حياتك وراح يصير عندك طاقة اكبر وتركيز اكثر وراح تلقى وقت طويل تشتغل على نفسك وتحقق اهدافك وتوصل لاحلامك
لانك خليتهم وكملت مشوارك
لا تخاف ماراح توقف الحياة وراح تكمل حياتك وراح يجي الوقت اللي تكتشف فيه ان اصلا طريقك كان غير عن طريقهم وانك ماكنت راح توصل لو ما خليتهم
قاعدة خليهم لا تمنعهم
العرض الشجري
